Tigilan na

"I Love You, Goodbye" sana ang pamagat ng post na ito, pero kinilabutan ako.


Kahapon, may nagtext ng "Is this ______?"


At dahil maganda naman ang mood ko, sinagot ko ito ng "Yes. Who's this pls?"


Sinagot niya ako ng "Is (last name ni Ranger) one of your boys?"


Sinagot ko naman sya ng "Who's this pls?"


Tinarayan nya ako ng konti at sinabing "Do I need to answer that?"


Tinarayan ko na rin sya at sinagot ng "Do I need to answer you?"


Lalo syang tumaray at nagtext ng "If (last name uli ni Ranger) is one of your boys, sa iyo na sya."


Hindi na ako sumagot.


Pero ayaw tumigil ng aking bagong textmate, nagmessage na naman ng: "This is (name ng girl). Pakisabi kay (last name ni Ranger) patayin ko mga anak nya. Putang ina sya."



Sumagot na ako ng "Friends lang kami ni (last name ni Ranger)."


Sumagot din sya ng "Bakit iba ang sabi ng mga friends ko?"


Rumesbak ako at sinabing "Ewan ko sa mga intrigera mong friends."


Nag-isip ako bago nagtext uli ng: "Ang totoo, friends nga lang kami. Naging close kami dahil halos pareho kami ng pinagdaanan- hiwalay sila ng misis nya, ako naman kagagaling lang sa hiwalayan. Naghingahan kami ng sama ng loob. Anong masama doon?"


Hindi sya sumagot.


Nagtext uli ako ng: "Para matahimik yang kaluluwa mo, I think seryoso sa yo si (first name na ni Ranger). Noong nagkakillala kami sa van galing Cotabato, pumunta sya don kasi balak niyang ipa-annul kasal nya. May plano sya sa yo."


Nahimasmasan ang gaga. Nagtext ng: "A ganun ba. Sorry ha. Ayoko lang kasi masayang kung anong meron kami. Sorry uli. Godlbless."


At may Godbless pa matapos nyang mag-"putang-ina sya."


Sinagot ko na lang sya ng "OK lang. Godbless din."


Tinext ko si Ranger ng "Hoy, si (first name ng girl) nagtext sa akin, tinanong ako kung ano daw tayo."


Sinagot ako ni Ranger ng "Hayaan mo na lang sya, wala sigurong magawa."


Sinagot ko sya ng "E kung pagpapatayin mga anak mo sa galit?"


(Opo, iniwan ni Ranger ang dalawa niyang anak sa bilat habang ito ay nasa Luzon para sa officer's training nya.)


Bago pa man nakasagot si Ranger, finorward ko na ang text exchanges namin ng girl.


At nang maforward ko na ang lahat, nagtext sya ng: "Salamat, ambait mo talaga."


Sinagot ko sya (naka-smile pa ako nito ha) ng: "Alam ko mabait ako kaya tigilan nyo na ako."


Nakuha nya ang punto ko, hindi na sya nagtextback.