Babes in the city

Nasa city ako ngayon para makipagkita sa textmate kong makulit.


Two weeks ago, ibinigay ng kapitbahay ko sa city ang mobile number niya.



"Mabait ito," sabi ni Junie sa akin noon.


"Sige na nga, mabait na kung mabait. E paano yan, nasa probinsya sya?" tanong ko.


"Pupunta sya dito para maghanap ng trabaho," sagot ni Junie.


Dumating sya noong Sabado. Sa Lola nya sya nakatira ngayon.


Noong Lunes, nagkita kami sa NCCC Mall.


"Saan ka?" text niya sa akin.


"Nasa grocery dept," sagot ko.


"Saan yan?" tanong uli niya.


"Sa ground floor," sagot ko.


Matagal bago sya uli nakasagot. Nakapila na ako sa cashier ng magtext uli sya.


"Saan ka dito?" tanong niya.


"Hanapin mo ang stall ng Porky Best. Tayo ka don," sagot ko habang nakatingin sa stall ng "The Best Chicharon in Davao City" sa harap ng cashier counter na pinilahan ko.


Ilang minuto na ang lumipas ay wala pa rin akong nakikitang nakatayo sa Porky Best stall.


"Sa 54?" text niya.


"Anong 54?" tanong ko habang nagbabayad ng pinamili.


"Shelf 54," sagot niya.


Natawa ako. Taga-probinsya nga sya. Hinanap ba naman ang shelf ng Porky Best sa loob ng grocery department.


"Sa escalator na lang tayo magkita," sabi ko.


Umikot muna ako bago pumunta sa escalator. Wala pa rin akong nakikitang cute guy.


"Saan ka na?" text ko.


"Nasa third floor ako. Sa arcade," sagot niya.


"Bata pa nga sya," naisip ko.


Umakyat ako papuntang Arcade. Doon ko sya nakita. Naka-smile. Napakagandang smile.


Kinuha nya ang grocery bag sa aking kamay.


"Ako na," sabi nya.


Umuwi kami ng apartment. Bitbit nya ang grocery bag. Bitbit ko sya.


Siya si Kenneth of Surigao del Sur.