Happy

Nakakapanibago si Babes.


Sa bahay sya naghapunan noong Sabado. Pero nang dumating sya, nasa kwarto ako. Nakahiga. Lasing. Galing kasi ng beach ang mga bakla. Naparami ang inom. Tumabi sya sa akin sa kama. Pinunasan ang pawis sa aking noo at leeg. Bahagyang itinaas ang aking ulo, inihiga ito sa kanyang mga hita. Hinipo ang aking buhok.


"Marami kang nainom ano?" tanong niya.


"Medyo," sagot ko.


Nakatulog ako. Ginising ako ng tawag nya.


"Gang, kakain na," sabi niya.


Paglabas ko ng kwarto, nakangisi sina Fiona at Re-Re. Ngising may halong kantyaw dahil sa pagtawag sa akin ng "Gang."


Pinahigop nya ako ng mainit na sabaw. Hindi sya ang nagluto, si Fiona. Pero feeling ko ito ang kanyang alay sa isang lasenggang dalagang katulad ko.


Pagkakain, konting pahinga lang at balik higa na naman ako. At bago sya matulog, ibinulong nya sa akin ang "mamaya na lang ang sorpresa ko."


Madaling araw nang magising ako sa sorpresa nya: isang napakagandang "Oh Yeah Moment."


At pagkatapos ng halos isang oras na pakikipaglaban sa kanya, tinanong nya ako ng "Happy ka?"


Tinanong ko rin sya ng "Happy sa?"


"Sa akin," sabi nya.


Hindi ako makapagsinungaling, sinagot ko sya ng "OO naman."


Di ko na mabilang ang mga lalaking nakasama ko pero ngayon lang may nagtanong sa akin kung masaya ba ako.


"Ikaw, happy ka?" ibinalik ko sa kanya ang tanong.


"OO," sagot nya.


"Bakit mo naman nasabing masaya ka?" tanong ko uli.


"Masaya ako kasi love mo ako," sagot nya.



Di ko alam saan nanggaling yon.